殿 大喜屋

營業中

休息中

見到廣告有得任食奄仔蟹，就去試吓。餐廳嘅座位距離尚可，未至於非常嘈。大部份食物用QR code落單，飲品同埋少量食物就係自助攞。主角奄仔蟹：冇tricky 蠱惑條文，真係可以任點。奄仔蟹用鹽焗，蟹嘅 size OK，有膏。雖然啲膏唔算非常鮮甜，但係以任食來講，質素都唔錯，都食得滿足。我地每人食咗三至四隻左右。魚生：質素尚可，仲有拖羅。不過海膽就麻麻地。熟食：羊扒太騷，唔啱食。鵝肝煎得頗熟但味道okay，塊多士好脆。自助食物區嘅花雕豬手都唔錯，有酒味。甜品有唔同味道嘅雪糕，仲有木糠布甸，同埋大個木瓜燉雪耳。 整體來講，以任食來講，食物質素係可以嘅，種類都頗多。