蠔站 (樂富廣場) (已結業)

之前係fb見到依間有十蚊一隻蠔😍，無奈土瓜灣分店已經full booking ，唯有黎樂富依間試下，鋪頭係樂富商場街市個邊一落電梯左右手邊就係，唔算難搵🌝黎依到除左食十蚊蠔，仲有其他西式意大利麵，飯類🍝，薄餅以及小食可以選擇🍕咁我二人食就嗌左脆薯角，墨西哥辣肉醬闊條麵同十四隻蠔依間既野食都算大份，薯角用籃仔裝住，熱辣辣炸起脆卜卜，好味👍而意粉係屬於闊條麵個種，都算彈牙，加上辣肉醬醒神又開胃🍅跟住就黎重點啦，登登登登，蠔上場，每隻蠔都有手掌咁大✋🏼味道方面，蠔都算肥美，但味道偏喊，海水味較少，唔係海水味既喊，雖然大隻不過蠔食落去同平時酒店食個啲有唔同，不過以十蚊一隻黎講係唔錯既