Y Dining (已結業)

今次去咗旺角任食加拿大藍青口，青口任食真係比較少有，真係不能錯過！餐廳環境幾有情調，好適合情侶黎撐下枱腳。The Blue Mussels任食加拿大青口有四款口味，有蒜蓉白酒汁、紅咖哩、意式番茄和刁草忌廉汁。餐已包括任飲生啤和汽水同任食蒜蓉包，仲可以加$20任食炸薯條。青口唔算好大隻，但肉質飽滿嫩滑，味道鮮甜，紅咖哩汁辣辣地比較惹味，而刁草忌廉汁就平較清淡，適合唔喜歡重口味嘅人士。香蒜欖油野菌辣肉腸意大利麵蒜蓉同橄欖味非常香口，再加上有辣肉腸吊味，令味道更豐富。砵仔酥皮焗牛面頰肉店員切開酥皮就見到好大塊嘅牛面頰肉，份量都好多，經慢熟後肉質超軟腍，而且炆得好入味，配料仲有薯仔同紅蘿蔔，同樣都煮得好入味，呢道菜超級推介。Tiramisu呢到嘅Tiramisu同平時食嘅有啲唔同，中間嘅手指餅係脆脆的，冧酒味亦十分濃郁，而Mascarpone Cheese係即叫即唧上去。