星級扒房 (已結業)

行完好景買game，轉個灣行過仁安大廈個商場就見到呢間扒房，一入去時個感覺好似係神戶時食個間神戶牛餐廳，先上條樓梯，再到餐廳內，餐廳內座位亦好闊落，而上面位置有個自助沙律吧，同小食區，只要係套餐就可以自由取吃，無限任添！嘅然係扒房，當然要一嘗個扒先至知道龍與鳳！餐牌有牛豬羊嘅選擇，我當然係最愛嘅套餐～安格斯頂級穀飼肉眼牛扒$248，任吃任添嘅沙律吧，當然先吃過夠啦！選擇都多，有栗米，蘋果沙律，炸薯條，火腿腸！食物會不停填補！抵讚！是晚跟餐餐湯是忌廉湯，香滑濃郁，加埋塊搽滿蒜蓉牛油嘅香脆法包，真係一個好嘅開始！果然唔會欺騙你，大大塊嘅肉眼牛扒，真係差不多將碟子遮蔽，重有都好厚身，一切下去肉汁流出，我就要五成熟，外面封住了肉汁，而煎得唔會太生，恰到好處！入口個種軟滑肥美嘅感覺，又令我回想在神戶時吃和牛嘅感覺！雖然未去到入口即刻熔化嘅感覺，但入口時個種肉汁同肥美脂肪嘅感覺亦非常不錯！一個人吃真係有啲膩！當然我就完全吃完啦！最後上埋甜品朱古力泡芙，同香滑嘅咖啡就完成了今晚嘅晚飯！以價錢計係一個不錯嘅選擇，足料！