批&撻專門店

今日過開嚟荃灣, 經過批&撻, 鍾意佢批嘅選擇多, 仲有凍餅及生日蛋糕。買了姨甥女嘅最愛朱古力鮮奶 tart 及我嘅最愛雞批, 另外買了ㄧ個特濃朱古力孖鬆。個朱古力鮮奶 tart 好香朱古力味, 反而唔覺有鮮奶味, 中間嘅朱古力漿唔會太 "削", 曲奇皮好味, 雞批比起其他店舖嘅雞批大, 中間嘅餡料都好足好 juicy, 雞肉夠大粒, 加上個皮有 d 酥化, ㄧ邊食ㄧ邊掉下來, 至於個孖鬆, 超大個, 有好多朱古力粒粒, 可惜個蛋糕底唔覺得有好濃嘅朱古力味, 但整體都好食嘅。