春芳號 (立輝大廈) (已結業)

中環又開咗一間新嘅台式飲品店. 佢嘅主打唔係近期興嘅奶蓋，亦都唔係黑糖珍珠鮮奶，而係紫薯或者地瓜鮮奶茶。我怕肥，所以我叫咗甘蔗清茶(微甜）加珍珠同埋蘆薈，大少就叫咗地瓜珍珠鮮奶茶（微糖微冰）。我個杯只係庶汁加綠茶冇乜太大特別，珍珠細細粒都幾好咬，中間冇硬心。大少個杯地瓜珍珠鮮奶茶，我初時以為係用地瓜粉開，但因為見到有沉澱響個杯底，唔似用粉開，應該係有地瓜蓉，但係大少話一啲地瓜味都食唔到，反而奶茶味都好重⋯⋯同埋飲完已經好飽。總括來說，間店冇乜特別，應該唔會再有第二次幫襯。呢間鋪頭值得一讚嘅係佢啲紙杯好靚，每一杯都有唔同嘅花花公仔，有鮮花，有動物，淨係望住個杯都已經覺得好靚。