泉章居 (已結業)

四個人早兩日訂枱，店家要求準時六點鐘到，七點半要交番張枱，勁串！若不是因為老爸老媽想食這兒的雞，聽到那些訂位條件，早巳掛線。結果老爸老媽好準時咁去攞枱，唉！點了個「$268 三和菜餐」，另點「八珍蚊豆腐」（$58）、三個白飯、一碗白粥、三罐汽水（$10 / 罐），連四位茶（$6 / 位），埋單$444。個人覺得除左雞係slightly above average，其他只是一般。完完全全唔值得特住來泉章居食晚飯。「$268 三和菜餐」包例湯「紅蘿蔔豬肉湯」（味淡少料）、「招牌雞半隻」（的確係肥美多肉，味道調校得好好，單點就略嫌over-priced）。以及三個自選菜式，選了「脆皮大腸」（炸得過硬，味道麻麻，唔得！）、「骨髓蚊三鮮」（骨髓好腥，調味唔得！）、「梅菜扣肉」（一般街坊飯店程度而已！）「八珍蚊豆腐」（份量特大，味道一般，可幸雞肝唔腥！）上菜超快，未飲完碗湯，四個餸巳經上齊，未食碗飯，侍應巳經起勢伸手收回碗筷，要大聲「喝」住才制止到。結果六點十分落order，未夠六點八巳經食完，便唔便趕成咁？整體味道、服務、價錢並不是那強，仲慘過乞食！絕對無下次堂食，阿爸阿媽鐘意食雞，下次頂多外賣