大玩臺式飲品(綿綿冰專門店) (已結業)

旺角咁多間台式飲品店, 就好似街邊的小食店咁俾人感覺唔太乾淨, 不過lee間可以清楚望到預備飲品的地方大,又企理, 唔會好似打仗咁款, 飲落都放心d而令我會特登行去個邊先買黎飲既原因係佢好味同大杯, $10 有一杯珍珠奶茶, 係其他鋪的大size, 店員會主動問你要幾甜幾多冰(有5種可以選!) 珍珠奶茶的奶同茶味好平衡, 係我飲咁多間覺得最好的, 而佢又可以俾我選大珠定細珠/白珠, 好好呀. 不過珍珠綠茶唔洗試, 冇乜味. 佢有抺茶味既野就好啦, 同理佢俾碎冰都唔錯!次次都想食綿綿冰但最終都變左飲野, 我下次要食到! 上次買野時俾左張咭我儲印仔, 十杯就free一杯, 對我來說唔難呀, 不過咁又食唔到呀綿綿冰!!!!!由於唔想你執, 提提你, 安排好d人排好隊係幾重要的, 你個街位咁窄, d人見到有三四個人圍住, 唔知點排, 繼續打直排又怕礙人行, 係唔會走去問你的, 乾脆去第二間買了