花子舍 (已結業)

銅鑼灣呢間花子舍整體嚟講係一間出色嘅餐館。首先入到去侍應已經好熱情咁招呼，餐館周圍係乾花嘅裝飾設計，啱哂鐘意靚花嘅人。枱上有一支檸檬水，入面啲檸檬都幾fresh，應該換得幾密。先講前菜，完全係驚喜。薯仔湯好足料，飲落去唔會覺得好稀，加埋個cream拉花成個湯更加creamy同顯出有誠意。至於個沙律，生菜蔬果非常新鮮，咬落去勁fresh，配埋小弟至愛嘅煙三文魚真係幾正啊！去到主菜，筆者點左薯蓉羊架同軟殼蟹墨汁燴飯。先講羊架，非常得意嘅係佢有兩個汁比你點，其中果個青蘋果Jelly醬汁酸酸甜甜好得意，配埋羊架食就無咁「漏」。另外個墨汁燴飯混入左三色椒同其他蔬果去整，咬落好有口感，配埋軟殼蟹食會覺得好有滿足感！甜品方面，我試咗個雪糕，係幾多料咁。佢有兩球雪糕，跟著有新鮮士多啤梨，下面有啲蘋果蓉、蘋果、軟棉花糖等等，幾健康嘅！最後不得不提係佢地嘅「花」之特飲，我朋友試左草莓特飲，一杯係有汽梳打，一杯係草苺芭菲。杯草莓梳打幾特別，飲落去有淡淡清花香，而據店負責人介紹係由飲品入面果粒花之冰融解放味出黎，會有微微酸同花香味。據說店入面嘅飲品整體都係比較淡，岩哂鐘意飲啲清淡花香飲品嘅人。整體覺得花子舍唔