稻草人餐廳 (已結業)

眼見力生廣場人流咁少，以為這間台灣食市未倒閉，一定好好食。點知去道一打開個餐牌，真正的台灣食物只佔一、兩成，其他都係一般茶餐廳都有得叫的。冇計啦，都入左去，照食啦。食完個餐，叫餐飲時，全部台式飲品都要加錢，有冇攪錯。結果只是叫左杯"鮮檸檬綠茶"，因為唔駛加錢。點知去收銀到比錢時個收銀姐姐收多我兩蚊！心有不甘，同佢理論。明明我張餐牌寫"加$0"，點解最後要加錢。個收銀姐姐話我叫左杯"鮮檸檬綠茶"，唔係"檸檬綠茶"，所以要收兩蚊。我當時講到火火地，便隨手攞張餐牌睇。結果張餐牌寫"鮮檸檬紅/ 茶$0"(個"綠"字比個紅色貼紙貼住)。個收銀姐姐又即刻話因為我叫左杯"鮮檸檬綠茶"，唔係"鮮檸檬紅茶"，如果紅茶就唔駛加，要綠茶就要收兩蚊。真的有冇有攪錯，咁都得。最後，我唯有問個姐姐張餐牌邊到寫"鮮檸檬綠茶"加幾多錢，當然張餐牌冇寫。個姐姐只好比反我兩蚊，但係佢個樣好似我殺左佢全家。我都未話佢，佢重要比面色我睇。今日咁的服務態度，點得家！！我下次一定一定唔會再去。