影片
更多
2021-04-17
249 瀏覽
平時去開大鴻輝打邊爐同食放題，不過大鴻輝普遍都勁多人同要等位～所以今次去咗悅來坊試試...喺悅來坊2樓有呢間日式火鍋放題料理店 平時好少行經～都係睇網上有人推薦先知道呢間餐廳！見呢間餐廳有放題同打邊爐🍲就入咗去試啦！我哋入場嘅時候五點幾 又唔算太多人等位～侍應嘅態度好好會介紹簡咩邊爐底同埋好細心！野食上得好快，大概幾分鐘就有野食。先講打邊爐，呢度打邊爐可以揀一人一鍋，有樣好處就係啲湯底食食下唔會溝埋咗一齊，清湯都變辣湯。我哋叫咗蟲草花同麻辣湯底，麻辣湯底夠野味夠辣好正，蟲草花湯底都夠味但係唔會太重草藥味影響左食物既味道。揀野食方面真係好多選擇，火鍋食材有齊曬，烚到攰又可以叫刺身食下，想食香口野又有齊天婦羅、串燒，而且每項食品入面種類唔少，啱曬咩都想試既人。不過叫果陣真係要睇住份量（由其是大邊爐啲肉類），一碟細碟個份量都唔少，叫太多食唔曬到時就做大曬鬼啦👎🏻。咁多樣食品入面，值得一提既係炸物同串燒都係新鮮炸同燒，野食嚟到熱辣辣同香脆，值得加分。最後食甜品果陣見到甜品個list 好多選擇，比一般放題既多，食完正餐甜品計另一個胃又再食過🤪
見呢間餐廳有放題同打邊爐🍲就入咗去試啦！我哋入場嘅時候五點幾 又唔算太多人等位～
侍應嘅態度好好會介紹簡咩邊爐底同埋好細心！野食上得好快，大概幾分鐘就有野食。
先講打邊爐，呢度打邊爐可以揀一人一鍋，有樣好處就係啲湯底食食下唔會溝埋咗一齊，清湯都變辣湯。我哋叫咗蟲草花同麻辣湯底，麻辣湯底夠野味夠辣好正，蟲草花湯底都夠味但係唔會太重草藥味影響左食物既味道。
揀野食方面真係好多選擇，火鍋食材有齊曬，烚到攰又可以叫刺身食下，想食香口野又有齊天婦羅、串燒，而且每項食品入面種類唔少，啱曬咩都想試既人。不過叫果陣真係要睇住份量（由其是大邊爐啲肉類），一碟細碟個份量都唔少，叫太多食唔曬到時就做大曬鬼啦👎🏻。
咁多樣食品入面，值得一提既係炸物同串燒都係新鮮炸同燒，野食嚟到熱辣辣同香脆，值得加分。最後食甜品果陣見到甜品個list 好多選擇，比一般放題既多，食完正餐甜品計另一個胃又再食過🤪
張貼
