名潮食館 (已結業)

最近同潮州菜好有緣，限聚前同友人相聚於K11 Musea嘅名潮食館，難得約到當然要食好啲盡興啲！邊食住潮州菜館必見到嘅咸菜，邊等菜到，再嘆埋杯菊花，好抒壓！先來小食—潮州椒醬肉除咗有惹味嘅蝦米、菜脯、豆乾落去炒，仲加埋邪惡肥豬肉及健康青椒紅椒增香添色，每樣食材用料都恰到好處，食落好香口，只欠一杯酒！潮式香煎無米粿第一次食呢個好有潮州風味嘅小食，大大塊，入面用咗韭菜，薑蔥頭，再倒入米漿拌勻再煎。米漿好細滑creamy配埋韭菜香好想再encore多件啊！愛肉餅嘅人點少得點碟梅菜蒸肉餅，進階版仲有肉餅蒸膏蟹圈，好事成雙，送飯佳品！梅菜蒸肉餅夠經典，厚厚一餅好似分pizza咁每人一塊，調味好適中亦帶出梅菜香，配埋薑絲更去膩！奢華版一定整隻膏蟹配搭嘅肉餅圈，鮮橙紅色嘅膏睇得出蟹新鮮，蟹蓋後都仲有膏，而蟹肉都好飽滿。肉餅方面比經典款肉質實啲密度高啲，肉香都更突出！而醬汁我更愛膏蟹版，帶點酒香，有韻味！飲食均衡點可以唔食菜呢，我地就點咗五行六合菜，菜嘅種類好多，有百合、豆角、欖菜、苦瓜、青椒、酸菜。輕炒所以苦瓜都仲係幾爽口，我自己偏愛炆腍個種苦瓜，但依個本身唔太苦所以都還接受到。酸菜都幾加分，酸酸地