新發食堂 (已結業)

lunch無乜胃口,等到下午茶時間食個tea代替午餐,在燒鵝瀨粉同羅宋湯之間,我今次選了後者。呢間既羅宋湯只係下午茶時間至有,個零鐘頭前既午飯時間都唔會供應,奇怪。羅宋湯相當足料,碗入面已經有牛展肉多粒、薯仔三大件、洋蔥、蕃茄、紅蘿蔔、西芹。今次味道似乎比以前淡,以前更加濃味帶辣,而家就唔覺有辣味,不過仍然係算濃味好飲!跟餐可選火腿三文治或牛油多士,以前我會揀三文治,但呢日突然想吃多士.....多士稍薄,不過都算香脆,牛油唔太多,正!!唔好睇少呢碗湯,飲完真係好飽飽!!