語命Cafe (已結業)

放工黎到旺角，chur 足成日，想搵個人少少既地方醫下肚hea 下，印象中先施大廈有樓上cafe, 就入去探下路，水牌見到有間叫語命cafe, 就衝左上去了。Cafe 門口夠哂隱閉，裡面有好舒服既L型梳化，岩哂我呢d無脊髓生物，仲有好多兒時既玩意，吾怕等野食時會悶親。cafe 介好貼心有埋空氣清新機，真係抖啖氣都爽d.落單叫左香蒜虎蝦炒意粉，雞翼配蜜糖芥末汁同埋熱白桃紅茶。白桃紅茶超香，味道吾太甜，岩哂我口味。意粉同雞翼係即叫即整，上枱時熱辣辣。意粉蒜味好香好濃，高水準。虎蝦啖啖肉，正，份量仲好多tim.雞翼炸到個皮脆卜卜，好熱氣，但我鐘意，係略嫌油左少少。