再行下，見到好多茶飲店鋪及餐廳，就揀左《御來光·茶社》呢間日式茶社飲杯野☕️，食件cake🍰，歇一歇先。
📌好少飲茶店有店內雅座，多數都係做外賣居多，有得坐黎飲抖下，感覺都舒服啲。
📌一般茶飲類別都有，珍珠系列、芝士奶蓋、紫薯芋頭、果味、多多、純茶系列乜都有，價錢大概都係$30至$40一杯，正路價錢，甜度冰度都可以調較。
📌仲有推出的優惠喎！學生可享全單八折，下午茶時段三點三到六點，買任何蛋糕可以半價加購一杯飲品，又幾抵喎！
📌蛋糕櫃入邊有五六款芝士蛋糕🍰，仲有焗鬆餅🧁，真係黎食個下午茶，飲個茶食件cake，幾休閒。
抹茶紅豆芝士蛋糕， $48
作為抹茶控，抹茶熊，見到抹茶芝士蛋糕仲心心眼？仲要期間限定添！
淡淡嘅抹茶味🍵，中間有少少紅豆粒，用上忌廉芝士做嘅蛋糕，味道帶少少忌廉芝士嘅酸味，餅底係威化餅餅碎，成個蛋糕唔會太甜，有少少抹茶味嘅回甘，慢慢一啖一啖咁品嚐，好快就食晒。
士多啤梨芝士奶蓋（大）， $38
熊妹望住成個Menu，一眼就被芝士奶蓋🍼吸引住，芝士奶蓋嚟講，熊妹認為襯水果係最夾嘅，所以就揀咗先士多啤梨口味🍓。
首先，係一杯好美麗嘅藝術飲品，紅色嘅士多啤梨果醬🍓同牛奶🥛溝埋一齊，紅白雙溝，好似一幅畫像。上面有四份一杯係芝士奶蓋，味道鹹鹹地，沿着杯邊飲，可以先飲到芝士奶蓋嘅鹹香味，再飲到士多啤梨醬溝牛奶嘅酸酸甜甜味，成杯嘢都好creamy，好奶油，奶蓋真係食到舔舔脷👅。
提拉米蘇， $46
瑪姬皇后最愛嘅甜品就係提拉米蘇，幾乎想試勻全世界的提拉米蘇。
好唔錯喎！面頭鋪滿可可粉嘅提拉米蘇，一筆落去，軟綿綿嘅mascarpone cheese🧀，入邊仲有用上espresso☕️浸林左的手指餅，濕潤度勁高，味道唔係好甜，奶油忌廉入邊有食到咖啡同可可🍫嘅味道，係被瑪姬皇后高度讚揚嘅提拉米蘇。
炭培烏龍珍珠鮮奶茶（大）， $30
瑪姬皇后想飲珍珠奶茶，就揀咗炭培味道。
炭培烏龍味道好濃烈，好重炭培味道，帶有少少奶茶味，杯底有一堆珍珠，軟糯有咬口，大大杯飲落好解渴。
📌以日本富士山🗻做logo圖案嘅《御來光·茶社》，一定可以招來一班祟日🇯🇵的客人，而當中嘅茶飲同蛋糕產品都頗有水準，最主要係有得店內雅座，熊妹認為係一間高檔次的茶飲蛋糕店。
