影片
更多
2013-07-19
1962 瀏覽
今次係我第一次寫食評，我想分享一次係黃金海岸法國飯店所遇到的不愉快經歷。今年五月，我的太太其實一直都好想寫意地享受早餐，於是在星期日早上，到黃金海岸法國飯店。我鍾意既係對住海境，當時唔太熱，好舒服。去到早上10:40，唔駛等位，而門口亦沒有侍應，可能佢岩岩行開左，我們便坐在門口的露天座位，首先我唔欣賞的，是侍應表現出港式茶餐廳的工作態度。我舉舉手望住一個後生既男侍應，示意佢拎餐牌過黎點菜，他懶懶咁行過黎，好似唔知我要咩，又無問我想要咩，我重申：「唔該想要餐牌」佢諗左一陣，我差Ｄ想問佢明唔明我想要咩，不過佢就行番入餐廳。我點完菜之後，又係無神既一句：「‧‧‧哦」都算數，我覺得香港好多人都係咁，並唔係個別例子，沒辦法。最有效率的，就是這裡的「收錢方式」。其他沒有快，最快就是一點完早餐，未送上橙汁，就一句：「多謝您$120」，都無所謂，早埋單和遲埋單，理應也是一樣。可是我遇到的情況就比較特別。我當日只有一張$500紙幣，我便給他找贖，然後就繼續食早餐。大約早上11:30左右食完早餐，我們趕緊到附近marketplaxx買野，先發覺剛才原來一直都未找番錢！於是我們立即到餐廳理論。今次有侍應係門
今年五月，我的太太其實一直都好想寫意地享受早餐，於是在星期日早上，到黃金海岸法國飯店。我鍾意既係對住海境，當時唔太熱，好舒服。
去到早上10:40，唔駛等位，而門口亦沒有侍應，可能佢岩岩行開左，我們便坐在門口的露天座位，首先我唔欣賞的，是侍應表現出港式茶餐廳的工作態度。我舉舉手望住一個後生既男侍應，示意佢拎餐牌過黎點菜，他懶懶咁行過黎，好似唔知我要咩，又無問我想要咩，我重申：「唔該想要餐牌」佢諗左一陣，我差Ｄ想問佢明唔明我想要咩，不過佢就行番入餐廳。我點完菜之後，又係無神既一句：「‧‧‧哦」都算數，我覺得香港好多人都係咁，並唔係個別例子，沒辦法。
最有效率的，就是這裡的「收錢方式」。其他沒有快，最快就是一點完早餐，未送上橙汁，就一句：「多謝您$120」，都無所謂，早埋單和遲埋單，理應也是一樣。可是我遇到的情況就比較特別。我當日只有一張$500紙幣，我便給他找贖，然後就繼續食早餐。大約早上11:30左右食完早餐，我們趕緊到附近marketplaxx買野，先發覺剛才原來一直都未找番錢！於是我們立即到餐廳理論。
今次有侍應係門口，佢以為我地黎食lunch, 我對佢說：「頭先我地岩岩食完早餐，未找錢。」侍應可能只係識招待食客，唔識面對這特殊情況，無問題，咁我叫話：「咁唔該叫你經理出黎啦。」因為始終有關錢銀問題，搵個高級職員去傾都好合理。轉頭，有一個中年肥肥地著恤衫的男職員好似好趕時間咁行左出黎，不過無問我咩事，又唔講其他野，我就同佢講番同一句說話，點知佢好晦氣咁講左一句：「頭先你唔早Ｄ講！」講到好似我屈佢咁，我開始有火，我立即話：「我就係唔記得，我先走左去，而家我記得咪番黎囉！而家係你地同事唔記得找錢，我先唔記得走左去！咁而家係邊個唔岩先呀？」我比佢既態度同衣著，一度懷疑佢根本唔係經理，可能只係一個做得比較耐既員工。佢聽完我講，無睬我，就轉頭行番入去，我唯有問佢：「你係唔係經理？我而家想同你經理講！」當時我真係好惱，我心諗，係佢地唔記得找錢，仲將個責任怪係食客上？我唯有同門口侍應講：「你叫你經理睇下今日條數，如果多左$380就即係無找到錢。」
大約五分鐘之後，有個比較後生的女職員行出黎，好有禮貌咁同我講：「唔好意思，我地check番，暫時無留意到有$380多左」我見佢有禮貌，我都無好惡咁同佢講，但我真係比剛才個所謂經理既態度令我好惱，我話：「如果搵唔到，我就懷疑你地當中有員工故意無找錢，自己袋左落袋，而家你幫唔到我，我係唔係要報警？」佢一直好有禮貌，佢話唔係，不過就拎左一張紙，話寫低我個電話號碼同名，佢解釋而家未能肯定有無找到錢，但會先找番$380我，如果稍後有咩事，可能會打電話比我。因為我明知道係佢找漏錢，所以我照比聯絡資料佢，當然到而家都無收到佢地打黎回覆。（如果佢仲有留低電話，我都希望佢會打番俾我，解釋番當日發生咩事）
不過我見佢有禮貌，我就問佢：「到底頭先行出黎肥肥地果個係唔係經理黎？」佢答係。我估唔到個經理係完全唔識處理客人既投訴，應該係話，經理對客人既態度令我好想投訴佢...
我好無奈咁同個女職員講：「你地個經理好有問題喎，依家找漏錢又怪食客，而且態度又咁差，無理由咁簡單既少少禮貌都唔識。佢咁既態度，我真係唔相信佢係經理。」佢聽完，好似好尷尬咁同我講唔好意思。
全個過程有幾名在場食客，同埋準備入去食lunch既人都留意到。
讚：成間餐廳，好彩都有一個女侍應好有禮貌。
彈：肥肥地既男經理十分無禮，而且惹來投訴。
個橙汁既杯就高，但係一送上黎只得一半，令人感覺都唔知係唔係有其他人飲過。
未上菜先收錢的方法，有機會令食客忘記找錢，因為可能俾錢之後掛住食，食完又唔駛再埋單就走。點解唔可以食完先埋單？感覺好似驚食客會走數咁。
總結：食物味道和衛生程度尚可，環境一流，但服務態度不能接受。
題外話/補充資料：
專程揸車入黃金海岸，都係想開開心心咁食一個早餐，無諗過食到一肚氣！希望有關職員睇到呢篇食評之後，會有所檢討。
(以上食評乃用戶個人意見 , 並不代表OpenRice之觀點。)
張貼