御．八幡屋日本料理 (已結業)

今日放大假，爸爸話不如食好野，我知daddy鍾意食蠔，媽咪鍾意食刺身。所以揾吓太子旺角有無一家都啱食的。見網上有人介紹有間放題幾好，串烤，磯燒，刺身，生蠔等，多樣款式，幾吸引，一於試下！ 呢間位於兆萬三樓，地方算係寬落乾淨，店員有禮貌地安排我地去近窗坐位。 我地個位有個爐可以燒日式燒烤，原來任食蠔係要加錢升級，我地都加左，因為升級仲可以任點赤蝦刺身，油甘魚刺身，珍寶帶子刺身，炭燒紐西蘭羊架，燒果潸河豚乾等。 飲品選擇多而好，係正宗可口可樂，韓國飲品，菓汁先生蜜瓜椰汁西米露，菓汁先生牌既蘋果山楂等，全部啱飲既牌子，唔似有啲放題揀唔落野飲咁。最正係仲有免費sake任飲！ 第一輪刺身我地點左三文魚，吞拿魚，劍魚腩,希靈魚同虎蝦。三文魚油份平均，有魚香味。吞拿魚夠新鮮又結實，劍魚腩夠肥美。另外有赤蝦，店方卷成花花咁,大隻之餘又夠鮮甜，啖啖肉。仲有帶子，都夠清甜。 炸蝦天婦羅的炸漿夠鬆化，蝦有少許彈牙。 無諗過放題有得點金菇天婦羅， 炸漿加上金菇脆卜卜，一枝枝咁，感覺有趣又無返炸油味！蟹籽蝦球十分出色，丸子彈牙之餘又夠海鮮味，裏面仲有流心芝士，芝士控不能錯過！ 軟殼蟹手