碗屋 (已搬遷) 新店位置

今日我同同事4個人去食午飯, 因為一早聽聞呢間碗屋好多人等, 所以就一早book左位, 食12:30pm. 點知一去到個侍應話未有位要我地等, 等左10分鐘我地問個侍應仲冇位我地1點鐘點交枱, 個侍應話如果肯坐張三人枱就可以加我地15分鐘, 即係1:15pm先交枱, 哇! 真係唔知要唔要跪拜佢, 搞到好似益左我地甘. 不過算, 反正想試下野食, 就坐左三人枱.我地四人都係叫lunch set, 分別叫左串燒牛肉粒定食, 銀雪魚定食, 厚燒牛肉定食等, 頭盤剌身好快就上, 但係主菜就等左十幾分鐘, 成1:00pm仲未有得食, 但係主菜未到就keep住有2個侍應叫我地1:15pm要交枱, 我地話主菜仲未到點交枱, 個侍應就好大聲話俾多15mins你地啦, 1:30pm點都要走, 我地問佢點解甘惡佢先收歛下, 但係佢地1:15pm開始就不斷隔2,3分鐘提我地要交枱, 我地未食完就叫我地埋左張單先, 真係全程食唔安, 坐唔樂, 最後我地頂唔順未食完都走人.結論係食物質素ok, 不過不失, 但係每人百幾蚊食到甘唔舒服就真係唔洗再見啦!