影片
更多
2008-09-22
13 瀏覽
老細肥仔搬離翠竹花園後，第一次幫襯，舖頭條街好旺，行左幾個字先搵到位泊車，重要泊到老遠街邊位非法位，各位想泊其實可以泊去西九龍中心．條街好旺，相信生意都唔差．．．．去到門口，發覺間舖細過以前好多好迫，冇所謂，訂左位，原來間舖有閣樓，迫迫夾，火燭一定走唔甩，同埋ｄ牆邊都幾汚糟，我坐個個位重間唔中有冷氣水滴落番．張枱需然一早抺好，不過都係一pat pat 咁，都幾汚糟，好地踎FEEL．ｄ杯蝶同水杯都要檢查清楚，唔係分分鐘賺埋上一手ｄ餸．叫左幾個新德發以前０既撚手野，全部小菜加晒價！！！貴過在翠竹果度，碟頭細左好多！！！豬紅 ： 好好味，叫佢送０既．海中蝦沙律 ： 好少蝦，味道ＯＫ！金磚豆腐 ： 保持到水準，皮脆肉滑，不過等左好耐先上到菜．面醬炒生菜 ： 味道算幾好．辣酒煮花螺：辣過以前，不過味道都幾好！燒汁豬面青 ： 味道淡口左，勉強可以．籠仔荷葉蒸雞 ： 勁差，唔係有雞皮，真係以為碟雞係用臘做０既，重有又係等左好耐，全部野食晒先黎，可以用難食黎形容，一隻雞八個人都食剩半碟．梅菜蒸菜心 ： 嘩！Ｄ菜心好似鋼根咁硬，Ｄ梅菜都幾難食，又係食剩一大埋唔要，真浪費！呢餐非常失望！跟住叫甜品．．．．
叫左幾個新德發以前０既撚手野，全部小菜加晒價！！！
貴過在翠竹果度，碟頭細左好多！！！
豬紅 ： 好好味，叫佢送０既．
海中蝦沙律 ： 好少蝦，味道ＯＫ！
金磚豆腐 ： 保持到水準，皮脆肉滑，不過等左好耐先上到菜．
面醬炒生菜 ： 味道算幾好．
辣酒煮花螺：辣過以前，不過味道都幾好！
燒汁豬面青 ： 味道淡口左，勉強可以．
籠仔荷葉蒸雞 ： 勁差，唔係有雞皮，真係以為碟雞係用臘做０既，重有又係等左好耐，全部野食晒先黎，可以用難食黎形容，一隻雞八個人都食剩半碟．
梅菜蒸菜心 ： 嘩！Ｄ菜心好似鋼根咁硬，Ｄ梅菜都幾難食，又係食剩一大埋唔要，真浪費！
呢餐非常失望！跟住叫甜品．．．．．
好小心，叫住兩三個甜品試下，睇下掂唔掂先，等左好耐都唔見有野黎，走去甜品廚房睇下，個師傅轉左人，以前個亞叔晌高級地方做（唔方便講），呢個係後生仔，好似重係擔住口煙整，最鬼憎係咁．
疏乎里 ： 個面燶晒，但裡面一Ｄ都唔疏乎，好似PAT漿咁，重加＄４蚊，賣＄２２．
什果涼粉 ： 未食過咁硬０既涼粉，好心呢Ｄ野就唔好食平買Ｄ咁差０既涼粉啦．
木糠布甸 ： 我個囡話唔好食．
埋單要成＄６００！
後記．．．．當晚食完飯後個零鐘，有五個人話肚痛去廁所．
唔．．．之後決定以後唔去呢度食，拜拜！！！
張貼