之前食過其他分店都冇咩問題，見屯門都有於是再去食但中咗伏
兩個人入去食，手機落單，叫咗一個飯同一碟牛，上咗兩樣後男經理同我講燒肉唔可以只叫一碟，我問要叫啲咩，經理加$48有個牛，我問係咩牛黎，經理話五花牛囉，細細碟有幾條咁，態度好差又好唔耐煩，我同佢講睇睇先再諗叫咩，對方轉身走咗，再勁大聲全程用耳機同人傾電話同爆粗……..聽完果下直情唔想再叫
入座前冇講最低消費，又冇講要叫多過一碟牛… 我本身look緊餐牌叫豬定雞睇到呢個情境再聽完果下直情唔想再叫，岩岩坐低諗兩個人唔止叫咁少嘢食…..之後我哋都冇碗食燒肉，想叫職員俾我哋，叫咗十幾分鐘都冇人理，有3個女職員經過我哋張枱完全無視我哋扮聽唔到，叫到隔離枱望住我哋，叫到好攰打算放棄，打完食埋個飯同塊牛就埋單走人
最後冇再叫嘢，兩個人$300埋單，食未飽閃人轉場第二間餐廳食過。
勸各位請勿食這餐廳，連個男經理帶頭態度咁差，其他做細一邊hea 做
