初芋 (已結業)

良心店往往會被大集團打擊及惡意抹黑，最近在網上見到店家提供試食活動，希望由市民大眾幫手平反，所以今日走咗去旺角試一試佢廬山真面目。去到門口已經大排長龍，好彩啱啱我係第10個，可以試到。一坐低，老闆親自招呼，同我講今日試食將會係火鍋芋圓，本來我仲想叫其他野食，老闆話唔係唔想賺我錢，佢怕我食唔晒會浪費，叫我食完火鍋再點都未遲。火鍋一上枱，非常吸睛，乾冰製造嘅霧氣，令產品美觀即時提升，搞到我打卡都打左5分鐘。之後鋪頭同事走過來解釋應該點樣食，佢叫我唔好一次過倒晒啲糖水落去，食幾多，倒幾多，因為天氣凍，太快到晒落個鍋度，糖水好快由熱變凍，仲話糖水如果唔夠可以免費添加。到我食落去嗰陣時真係好友驚喜，之前去過其他地方（鮮芋仙 同阿源）食嘅芋圓糖水，一般都會用刨冰做底，食到尾段會水汪汪，返到屋企都會肚痛 🥺。但呢到個底除咗無冰，仲放左水晶粉同埋大西米做底，再加上芋泥＋桃膠＋蘆薈＋紅豆＋紫米＋桂圓＋椰果＋6色芋圓，成個甜品口感真係好豐富。糖水底好似叫椰皇鮮奶露，個老闆仲搞笑咁同我講網上既打手連鮮奶露同西米露都唔識分😂 之後就開始傾計，佢話做生意各有各做，其他甜品舖有時間諗點惡評抹黑佢地，不如做好產品。