熊貓咖啡餐廳 (已結業)

今次係兩個月內第三次再黎呢度, 除咗一般快餐,茶餐廳我好少去同一間舖去得咁多。但呢度食物好味,環境舒適,服務好,老細好招呼,所以再次黎到。今次我地食咗以下既食品:雜菜焗魚批 --- 魚味新鮮而唔會腥, 雜菜配合得剛剛好白汁大蝦意粉 --- 白汁入面有香料, 都唔錯, 但我食唔出係咩香料。意粉亦煮剛好彈性(唔記得咩汁)煮青口 --- 雖然唔記得個名, 但係蕃茄汁底。青口煮得好啱, 唔會過熟, 跟黎既法包要讚, 皮脆心軟。不過嗰晚凍,啲青口涼得好快。好在涼咗都唔會腥。紅蘿蔔蛋糕 --- 一定要食。暖暖上碟, 紅蘿蔔味濃又唔太甜。朋友食咗double choco muffin, 我試咗少少, 我覺得甜咗啲, 但我一般唔會食得太甜, 所以可能只係我。朋友亦叫咗cappuchino, 佢話唔錯。最欣賞既係, 我地落咗order之後,老細就建議上菜既次序, 先上淡味啲既, 再上濃啲既, 好細心。另外再推介一個上次食既, croissant, 要等, 因為即叫即焗。唔係叮返熱, 係即焗, 好新鮮。