影片
更多
2008-04-23
18 瀏覽
噚日秘書節，一眾老細請我哋一眾秘書去Ｓ.Ａ.Ｅ食LUNCH。大概四年前公司聖誕PARTY喺嗰度搞，食過佢啲嘢，印象中唔差同埋啲用料好新料，尤其個香蕉拔絲同埋個稻亭麵係一絕！今次舊地重遊，有啲失望：環境-- 一入到去就已經好大陣"UP"味，二樓三樓都係。我哋坐喺三樓嘅VIP房，其實全程都有陣味，幾唔舒服。同埋燈光極之暗，唔覺氣氛因此會好，反而令到之後睇唔喥啲嘢食係唔係太新鮮(不過好在食得出！)食物：1) 刺身有油甘魚、吞拿魚、三文魚、甜蝦、帶子、劍魚仲有兩款魚(唔記得咩名)，我覺得除咗個吞拿魚入口即溶同好鮮味、甜蝦都鮮甜之外，其他都一般。2) 壽司有海膽(幾好，清甜有少少海水甜)、三文魚子(我無食因為唔鍾意)、蟹子卷(飯有啲硬)、仲有三種魚，有啲乾身，無咩味，同埋飯都係硬咗啲啲！3) 燒鵝肝--皮脆內滑，份量唔會太膩(不過我食埋同事半件)，底下用兩片蕃薯天婦羅墊，新鮮炸好脆同埋蕃薯好甜好味！個醬汁少少甜、少少辣，好開胃4) 主菜--燒爐魚OR黑豚肉，我同同事一人揀一個share嚟食。成餐最好食就係毎燒爐魚，外面同圍邊脆、香口，內裏魚肉有汁、肉亦有啲o趙頭！連埋個燒汁一齊食就係「正」！個黑
大概四年前公司聖誕PARTY喺嗰度搞，食過佢啲嘢，印象中唔差同埋啲用料好新料，尤其個香蕉拔絲同埋個稻亭麵係一絕！
今次舊地重遊，有啲失望：
環境-- 一入到去就已經好大陣"UP"味，二樓三樓都係。我哋坐喺三樓嘅VIP房，其實全程都有陣味，幾唔舒服。同埋燈光極之暗，唔覺氣氛因此會好，反而令到之後睇唔喥啲嘢食係唔係太新鮮(不過好在食得出！)
食物：
1) 刺身有油甘魚、吞拿魚、三文魚、甜蝦、帶子、劍魚仲有兩款魚(唔記得咩名)，我覺得除咗個吞拿魚入口即溶同好鮮味、甜蝦都鮮甜之外，其他都一般。
2) 壽司有海膽(幾好，清甜有少少海水甜)、三文魚子(我無食因為唔鍾意)、蟹子卷(飯有啲硬)、仲有三種魚，有啲乾身，無咩味，同埋飯都係硬咗啲啲！
3) 燒鵝肝--皮脆內滑，份量唔會太膩(不過我食埋同事半件)，底下用兩片蕃薯天婦羅墊，新鮮炸好脆同埋蕃薯好甜好味！個醬汁少少甜、少少辣，好開胃
4) 主菜--燒爐魚OR黑豚肉，我同同事一人揀一個share嚟食。成餐最好食就係毎燒爐魚，外面同圍邊脆、香口，內裏魚肉有汁、肉亦有啲o趙頭！連埋個燒汁一齊食就係「正」！個黑豚肉就靭咗啲，無俾刀叉切淨用筷子食都要咬五六啖至唔會黐牙。可能落咗啲胡椒醃，少少辣可以話係香口囉。
5) 跟住係甜品大匯演(佢係咁叫)--係紅豆or綠茶雪糕(我食咗綠茶不過奶味重無咩綠茶味)，芝麻糕好食香芝麻味、銀杏豆腐花好香豆味，食到底至有兩粒銀杏同至有銀杏苦味、蜜餞木瓜、朱古力燒餅(皮厚朱古力少，同埋冰鎮住令到好快硬咗一塊，唔夠軟！) 以上甜品除咗雪糕同燒餅係一人一杯/塊，其餘係三個人share嚟食，即啲糕同豆腐花都要分三份，有啲麻煩！
埋單好似係三千幾蚊，我哋十三個人食。總括以上，如果食個lunch每人二百幾蚊係食咁嘅質素同埋環境又真係唔係太抵囉！
張貼