微醺 (已結業)

放左工同朋友去soho 區飲杯野，講下心事😉，今次就試吓依間以「茶」做cocktail 嘅洒吧，今次我哋都叫咗杯「my cup of tea 」同「tea tone」，另外仲叫咗啲小食：蟹肉拖羅蓉蝦多士，香煎雞皮餃子配月見汁，微醺拼盤，月見雞肉串燒拼盤😊小編推介「my cup of tea 」幾有特色，以綠茶Gin 酒作base , 佢係一杯熱Cocktail再加一杯凍嘅Cocktail，職員介紹我哋飲一啖熱，之後一啖凍，因為熱個杯Cocktail個酒精都好強烈，而凍果杯就容易啲入口，咁樣就可以中和個種強烈嘅感覺😉，呢個present真係好正！另外一杯「tea tone」就比較容易啲入口，有啲淡淡嘅茶香同果香味，唔係好飲得走嘅朋友，其實都可以試吓呢個😊至於小食，小編就推介微醺拼盤同月見雞肉串燒拼盤，微醺拼盤有魷魚圈，酥炸杏鮑菇，鳳尾蝦配檸檬海鹽，雖然拼盤全部都係炸物，但都唔會有好油膩嘅感覺，仲食到有淡淡的海鹽味月見雞肉串燒拼盤當中有包雞皮串，雞胸串同雞軟骨串，好少串燒會有雞胸串，估唔到食落去肉質都好嫩滑，而且仲好Juice，另外雞皮串同雞軟骨串餸酒一流😉