牛角日本燒肉專門店 (荃新天地2)

營業中

休息中

一直都好想試吓牛角，但每一次都要排好耐隊，今次就問朋友借咗佢張會員卡，可以喺網上面預約，可以唔使等位就入去坐，真係爽！入到去因為我同女朋友都係懶嘅人，所以就叫咗個二人餐因為唔使諗哈哈！你可能會擔心二人餐會一啲都唔夠飽，但係放心一定唔會有呢個問題，我同我女朋友都係好鍾意食肉嘅人，而且我哋都好大食，食完你個二人餐我哋兩個都捧住個肚走。雖然係簡單一個餐，都有齊晒前菜、配菜、主食、甜品。首先講吓佢嘅肉嘅質地，絕對唔係啲普通嘅肉，油脂分布10分平均嘅牛肉，燒香左之後，有入口即溶嘅感覺。而且，配餐嘅肉盤，除咗牛肉之外，亦都有雞肉、豬肉等等，一次過滿足晒唔同嘅願望，啱晒食肉獸。