樂翻天 (已結業)

經過佐敦見到呢間全新試業既台式餐廳,決定入去試下。餐牌種類都算幾多,而價錢都係幾十蚊,其實都幾抵食!近年黎鍾意去台灣既香港人都多左好多,所以台灣菜都越黎越多人喜歡。咁我就叫左個手撕鹽水雞半隻配竹筒紅米飯, 鹽水雞肉質好滑,因為係手撕既原因,所以口感重多左一個層次咁,再配上竹筒紅米飯,真係好有台灣特色,打卡都一流。朋友就叫左一碗台式牛肉麵,湯底好香濃,好重牛肉味,牛肉好淋好容易咬得開,麵質都好特別,我同朋友都覺得好似去左台灣食牛肉麵咁!