Springfields (已結業)

雖然近排有少少唔舒服不過都無阻我尋找美食之旅，因為屋企人係上環區返工，所以就去返附近同佢食晚餐。唔想諗嘅情況之下選擇了2人餐，是日餐湯係雜菜湯，有好多雜菜包括薯仔同埋蘿蔔，味道香濃，而且調味適中，非常好飲。沙律有啲豆，都幾香，而且裏面嘅醋酸酸地可以令口味更加開胃，整體非常豐富而且溫度處於室溫，比較新鮮。山羊芝士意粉個芝士真係不得了，非常之香濃，配搭意粉可以提升成個意粉嘅味道，成件事好豐富完全不Dry，有非常濃郁芝士香味。Sassy Salmon 係上面有三文魚嘅類似班Cake皮，都幾得意，個顏色係啡啡地，好似食緊班Cake但係味道係鹹味，三文魚煙燻所以都有啲鹹香，食落就好似一個主菜加甜品，西餐來講算好有特色。Choco bay係甜品，皮有少少似上面嗰個，不過味道係甜嘅，有朱古力雪糕同埋醬汁，成件事非常清新，凍冰冰。上面有朱古力雪糕，朱古力醬同埋果仁等等，下面就係班cake皮！飲品方面就選擇了一個橙汁同埋一個士多啤梨乳酪，橙汁下面真係有好多橙肉， 十分新鮮。乳酪就冇得跟餐，不過見到媽媽飲得津津有味都非常開心。