甜心良品 (已結業)

幾個月前同朋友晚飯後，路經呢一間甜品店，見人唔多於是入去試咗個焦糖燉蛋、梳乎厘同埋藍莓芝士蛋糕，睇賣相都唔錯，可惜一入口發覺味道麻麻，之後已經冇再去過。直到幾日前嘅一晚，家人外賣咗盒朱古力心太軟返嚟俾我食，本來對呢盒甜品無乜期望，但一入口竟然出乎意料地好味，唔太甜、外脆內軟，即刻對呢間甜品店改觀。希望下次再去時，嗰幾款幾個月前食過，但味道麻麻嘅甜品會有所改進!