IS Café (已結業)

難得放假,決定獎勵自己出去搵野食。之前聽同事講位於黃竹坑嘅L’hotel嘅buffet食過不錯,所以今次相約幾位好友一起試試Dinner Buffet.Buffet 六點半先開始,我和朋友六點廿五分已經到咗.我見仲未開始,行出去望望有咩食。原來今日以帶子做主題,係呢一刻完全被帶子製成嘅菜式所吸引,例如日式帶子裙凍豆腐、帶子蟹柳烤蛋、日式醬燒帶子等等。 仍有我係buffet必食嘅蟹腳、青口,蟹腳啖啖肉,好像剛剛係海上捕獲一樣。雖然當日客人很多,但供應源源不絕.係熟食方面,就有燒排骨、龍蝦丸、PIZZA等等,味道還不錯。其他嘅有壽司、刺身、沙律冷盤,最後到我最期待嘅甜品.我覺得最好食嘅係意大利芝士餅, 質感滑溜、唔會太甜或者太濃,味道剛剛好.而班蘭布甸亦值得一讚。服務方面,侍應生同經理都好有禮貌,途中經理仲問我哋啲野食啱唔啱心水.雖然當日全場爆滿,但侍應收野速度依然很快!態度值得一讚!希望下次再有新Promotion,可以再食過!