影片
更多
2022-09-05
34 瀏覽
同老婆喺元朗行街，行到有少少攰，見到呢間居酒屋openrice 評價唔錯，就入去食少少野休息一下。見到佢星期一至四晚市預先 book 位，堂食夠$500就有85折，不過我哋今次只係食少少野應該都用唔著，所以唔緊要啦 😛炸雞軟骨粒，非常之香脆！薄薄嘅脆漿包裹住爽脆嘅雞軟骨，加埋沙律醬，食每一粒都係享受。仲有胡麻醬加沙律菜，可以清新一下味蕾 👍🏻人氣串燒5品盛，蔬菜加肉嘅串燒呢個配搭幾好，食肉食到一半可以食下蔬菜解膩～牛舌，牛味香濃，又鬆軟，好好味和牛，有啲煙韌有咬口雞肉，好大粒，啖啖肉，香口又嫩滑菠蘿，菠蘿味好香，又夠 juicy翠玉瓜，外面有燒烤香味，入面就多汁，正原條燒鰻魚，呢個真係不得了，係我食過燒鰻魚以黎最好味嘅一條！鰻魚外皮竟然可以燒到焦香脆口，鰻魚肉又夠腍，一啲腥味同骨都無，配合上面嘅醬汁，簡直係完美！宇治抹茶紅豆粒，濃郁嘅宇治抹茶味配搭香甜嘅紅豆，好飲！寒天晶球巨峰梳打，好香巨峰提子味，加埋有氣梳打解渴一流，仲有少少煙韌嘅寒天，不錯～作為一個輕量嘅晚餐，我同老婆非常滿足，下次要再返黎試佢其他嘢食！
同老婆喺元朗行街，行到有少少攰，見到呢間居酒屋openrice 評價唔錯，就入去食少少野休息一下。見到佢星期一至四晚市預先 book 位，堂食夠$500就有85折，不過我哋今次只係食少少野應該都用唔著，所以唔緊要啦 😛
炸雞軟骨粒，非常之香脆！薄薄嘅脆漿包裹住爽脆嘅雞軟骨，加埋沙律醬，食每一粒都係享受。仲有胡麻醬加沙律菜，可以清新一下味蕾 👍🏻
人氣串燒5品盛，蔬菜加肉嘅串燒呢個配搭幾好，食肉食到一半可以食下蔬菜解膩～
牛舌，牛味香濃，又鬆軟，好好味
和牛，有啲煙韌有咬口
雞肉，好大粒，啖啖肉，香口又嫩滑
菠蘿，菠蘿味好香，又夠 juicy
翠玉瓜，外面有燒烤香味，入面就多汁，正
原條燒鰻魚，呢個真係不得了，係我食過燒鰻魚以黎最好味嘅一條！鰻魚外皮竟然可以燒到焦香脆口，鰻魚肉又夠腍，一啲腥味同骨都無，配合上面嘅醬汁，簡直係完美！
宇治抹茶紅豆粒，濃郁嘅宇治抹茶味配搭香甜嘅紅豆，好飲！
寒天晶球巨峰梳打，好香巨峰提子味，加埋有氣梳打解渴一流，仲有少少煙韌嘅寒天，不錯～
作為一個輕量嘅晚餐，我同老婆非常滿足，下次要再返黎試佢其他嘢食！
張貼
