影片
更多
2018-04-26
56 瀏覽
近排食日本菜真係食上癮，繼上次去完居酒屋後，今次想去試omakase，經朋友推介黎到「鮨心，旬節」。 呢度嘅omakase set 由＄600－＄1200不等，我地揀左稍為平，價值＄800嘅set，叫「椿」，有頭盤，刺身3件，料理一份，壽司3件，湯同埋甜品。店員每上一道菜時都會同我地詳細介紹菜式嘅。頭盤：一共六件嘅頭盤，係圓碟上面靚靚鋪排，賣相非常吸睛，分別有：水雲髮菜山芋蓉：口感似雪琶，入口滑滑地，味道酸酸甜甜，非常開胃銀魚青椒仔：青椒仔上鋪上銀魚，入口香脆，真係意想不到咁夾千島醬天婦羅蝦：蝦肉質感彈牙，外皮炸得香脆，粉漿亦都唔會太厚菜之花瑩光魷魚：魷魚非常新鮮，入口爽口彈牙蕃薯枝豆豆腐：好特別，甜甜地，入口軟諗諗有d似豆腐螢光魷魚日本大根：入口滑之餘仲非常新鮮，大根非常入味，讚刺身:刺身全部都好新鮮，最喜歡嘅當然係牡丹蝦同埋拖羅。牡丹蝦鋪上櫻花蝦碎，入口鹹鹹脆脆，香脆惹味。拖羅切得非常厚身，無筋，用紫蘇葉包住食可以減低油膩嘅感覺。料理：師父為我地準備左2款唔同嘅料理，我食到嘅係「味噌馬刀貝」，亦即係「蟶子」。加左炸蒜後入口好香，入口都非常爽脆，簡直無得頂呀。壽司： 壽司方面有針魚，
呢度嘅omakase set 由＄600－＄1200不等，我地揀左稍為平，價值＄800嘅set，叫「椿」，有頭盤，刺身3件，料理一份，壽司3件，湯同埋甜品。店員每上一道菜時都會同我地詳細介紹菜式嘅。
頭盤：
一共六件嘅頭盤，係圓碟上面靚靚鋪排，賣相非常吸睛，分別有：
水雲髮菜山芋蓉：
口感似雪琶，入口滑滑地，味道酸酸甜甜，非常開胃
銀魚青椒仔：
青椒仔上鋪上銀魚，入口香脆，真係意想不到咁夾
千島醬天婦羅蝦：
蝦肉質感彈牙，外皮炸得香脆，粉漿亦都唔會太厚
菜之花瑩光魷魚：
魷魚非常新鮮，入口爽口彈牙
蕃薯枝豆豆腐：
好特別，甜甜地，入口軟諗諗有d似豆腐
螢光魷魚日本大根：
入口滑之餘仲非常新鮮，大根非常入味，讚
刺身:
刺身全部都好新鮮，最喜歡嘅當然係牡丹蝦同埋拖羅。
牡丹蝦鋪上櫻花蝦碎，入口鹹鹹脆脆，香脆惹味。
拖羅切得非常厚身，無筋，用紫蘇葉包住食可以減低油膩嘅感覺。
料理：
師父為我地準備左2款唔同嘅料理，我食到嘅係「味噌馬刀貝」，亦即係「蟶子」。
加左炸蒜後入口好香，入口都非常爽脆，簡直無得頂呀。
壽司：
壽司方面有針魚，小姬同埋馬糞海膽，另再配海綿蛋糕。
由於呢度嘅壽司已經加左wasabi同豉油，所以店員都無另外上俾我地。
馬糞海膽：
平時好怕食海膽嘅我，試過呢度嘅海膽後真係一試難忘，因為佢入口非常creamy，味道香甜，一d都唔腥，配埋香脆嘅紫菜後，味道非常夾。！
至於海綿蛋榚，入口甜甜地，唔知係心理作用定點，入口好似有d海鮮味。
蜆麵豉湯：加入左蜆嘅麵豉湯，味道濃郁，蜆肉不但肥美而且鮮甜，令麵豉湯味道更加香。
甜品：呢個甜品拼盤無論賣相定味道都相當吸引，除左水果之外，仲有各式各樣極具創意嘅甜品。
櫻餅：
櫻餅都係第一次試，用櫻花樹葉 包住甜甜紅豆蓉，入口煙煙韌韌，好有日式風味。
柚子朱古力：
用牛奶朱古力包住柚子心，做法非常有創意。
煎茶雪榚：
自家製嘅煎茶雪榚，味道濃郁，配埋水果食，令人一口一口咁食過不停。
食完甜品之後，店員為我地送上一杯暖暖嘅抹茶，真係非常窩心，亦都為我地今晚完美嘅晚餐劃上完美句號。
張貼
