影片
更多
2016-08-15
2200 瀏覽
陪朋友係太子試完姊妹裙, 挺胸收腹完就可以放肆大食喇。我地係附近一直行, 發覺呢區真係好多餐廳, 而且好多都裝修得別具心思。我地最後選擇左呢間點心店, 因為見到呢到未夠七點而經坐滿人, 比起附近餐廳黎講熱鬧得多。睇睇點心紙, 價位都唔算貴, 難怪甘多街坊黎食。籠太子蝦餃皇（2粒）$13蝦餃皇有得揀2粒同4粒。剛剛蒸好既蝦餃, 外皮睇得出既晶瑩剔透, 入口亦食到QQ口感。內裹蝦肉爽彈, 且味道鮮甜。 黃沙潤腸 $23見到有豬潤腸粉都會忍唔住叫黎食, 因為要煮得好食相當考功夫。豬潤十分厚切, 不過未算處理得好, 因為尚有一點粉感。但外皮有米香, 而且嫩滑。黑椒金錢肚 $23黑椒味道刺激得黎帶甜, 金錢肚有嚼勁。呢間食店用上烏冬墊底, 食哂上面既金錢肚之後, 可以再食入味烏冬。黑椒牛仔骨 $28同樣係黑椒, 換上牛仔骨後同樣入味。牛仔骨肉好幼嫩, 而且出面愈黎愈少機會食到喇。古法糯米雞 $23點呢個糯米雞係因為見到隔離枱食緊, 除左好香仲好有份量!黎到既時候熱辣辣, 又漲卜卜甘, 大過我隻手。打開入面材料唔算好多, 有滑雞肉, 火腿同鵪鶉蛋。不過原來最好食既唔係呢啲材料, 而係啲糯米!熟透既
我地係附近一直行, 發覺呢區真係好多餐廳, 而且好多都裝修得別具心思。
我地最後選擇左呢間點心店, 因為見到呢到未夠七點而經坐滿人, 比起附近餐廳黎講熱鬧得多。
睇睇點心紙, 價位都唔算貴, 難怪甘多街坊黎食。
籠太子蝦餃皇（2粒）$13蝦餃皇有得揀2粒同4粒。
剛剛蒸好既蝦餃, 外皮睇得出既晶瑩剔透, 入口亦食到QQ口感。
內裹蝦肉爽彈, 且味道鮮甜。
黃沙潤腸 $23見到有豬潤腸粉都會忍唔住叫黎食, 因為要煮得好食相當考功夫。
豬潤十分厚切, 不過未算處理得好, 因為尚有一點粉感。但外皮有米香, 而且嫩滑。
黑椒金錢肚 $23黑椒味道刺激得黎帶甜, 金錢肚有嚼勁。
呢間食店用上烏冬墊底, 食哂上面既金錢肚之後, 可以再食入味烏冬。
黑椒牛仔骨 $28同樣係黑椒, 換上牛仔骨後同樣入味。
牛仔骨肉好幼嫩, 而且出面愈黎愈少機會食到喇。
古法糯米雞 $23點呢個糯米雞係因為見到隔離枱食緊, 除左好香仲好有份量!
黎到既時候熱辣辣, 又漲卜卜甘, 大過我隻手。
打開入面材料唔算好多, 有滑雞肉, 火腿同鵪鶉蛋。不過原來最好食既唔係呢啲材料, 而係啲糯米!
熟透既糯米十分軟綿, 而且有點高湯既甜味, 令人引唔住一啖接一啖!
食到最後啲米食得乾乾淨淨, 一粒不留!
藥膳雞腳 $18藥膳雞腳亦係考功夫之作。呢到既藥膳湯帶有人蔘味。
雞腳炆到膠質出哂黎, 食完個口會有微微漿住既感覺, 美顏點心首選。
家鄉咸水角 $16食第一口咸水角時熱到辣親咀, 果然係岩岩炸起。
餡料有少少甜, 又有少少咸香既惹味, 外皮煙韌, 食時唔覺得太油膩。
香芒沙律盞 $19睇落好靚既沙律盞食落叫人有點失望, 底下既脆皮被沙律醬浸腍,
而沙律則偏酸。
食左甘多野, 都只係$170, 難怪客人不斷。糯米雞好味到真的令人難以忘記!
張貼
