台灣霧之戀 (已結業)

同媽咪去尖沙咀行咗一陣，有D想飲野，行到厚福街見到有珍珠奶茶店。本身想試佢隔離嘅小黑糖，但係排隊嘅時候見到隔離霧之戀有買一送一，同frd去左冇霧之戀買。我買咗葡萄多多，媽咪買咗抹茶牛奶，原價$28，價錢都算OK，而家買一送一，撇除佢嘅味道，都ok抵。因為我and 媽咪都唔係好鍾意太甜，所以就走甜。買完之後，等咗大概10分鐘，先到我哋。見到個包裝都幾特別，對杯嘢多咗幾分期待。點知飲落第一啖，甜到一個點，完全飲唔到提子味。雖然我都知$14唔可以expect啲咩，但係唔好忘記佢原價係$28，原價$28買一杯「糖+水」，真係超唔抵。最後媽咪覺得太難飲，飲咗兩啖俾返佢哋，並同店員講真係好難飲。但係佢完全冇問點解，或者有咩可以改善，淨係「哦」左一聲。我真係有d嬲，有人同佢講杯嘢唔好飲，佢竟然連問都冇問點解。呢間店真係入咗我個永久Blacklist，真係好後悔點解要貪小便宜，俾佢個買一送一吸引。