影片
更多
2020-10-22
40 瀏覽
呢幾日返工完全忙到抖唔到氣終於捱到收工 忍唔住臨時叫家姐陪我去食餐好嘅 舒緩一下爆棚嘅壓力-上網睇咗一輪之後 最後就揀咗嚟天后嘅呢一間餐廳度食串燒 餐廳店面唔大唔細 八點幾嚟到 幾乎全場滿座 好彩我哋嚟到嘅時候 咁啱有人走 餐牌有好多選擇 飲品亦好有特色 最後我哋就叫咗兩杯飲品 一堆串燒 同一款前菜-蟹將軍薯仔沙律：啖啖蟹肉同蟹籽 ，口感豐富，亦凍冰冰，夠開胃。-蒲燒鰻魚：鰻魚汁濃度啱啱好，唔會太鹹或者太甜，加係肥厚嘅鰻魚上面食 ，一啖都感到美味。-免治雞肉棒：呢度嘅雞肉棒好得意，下面有隻生蛋，第一次咁樣食，但係原來將隻生蛋加入雞肉串係非常夾，仲會令雞肉串好滑。-鴛鴦翠玉瓜：一大一細嘅翠玉瓜，一個綠色一個黃色！再加埋上面嘅明太子醬，看著誘人，食落也是很多汁。-脆燒豆腐：味如其名，外脆內軟，中間嘅豆腐 豆味好出。-廣島蠔：新鮮肥美嘅廣島蠔，輕輕一燒已經好好食，唔需要太多嘅調味，鮮味已是出眾。-厚燒牛舌：我本身係唔食牛舌嘅，但係由於家姐食完之後極力推介，所以我都試咗一啖，而確實食落肚都真係唔錯，連我呢個唔食牛舌嘅人都覺得可以。-白鱔：必叫之選，超厚身嘅白鱔，外皮香脆，魚油豐腴，啖啖肉嘅fe
呢幾日返工完全忙到抖唔到氣終於捱到收工 忍唔住臨時叫家姐陪我去食餐好嘅 舒緩一下爆棚嘅壓力
-
上網睇咗一輪之後 最後就揀咗嚟天后嘅呢一間餐廳度食串燒 餐廳店面唔大唔細 八點幾嚟到 幾乎全場滿座 好彩我哋嚟到嘅時候 咁啱有人走 餐牌有好多選擇 飲品亦好有特色 最後我哋就叫咗兩杯飲品 一堆串燒 同一款前菜
-
蟹將軍薯仔沙律：啖啖蟹肉同蟹籽 ，口感豐富，亦凍冰冰，夠開胃。
-
蒲燒鰻魚：鰻魚汁濃度啱啱好，唔會太鹹或者太甜，加係肥厚嘅鰻魚上面食 ，一啖都感到美味。
-
免治雞肉棒：呢度嘅雞肉棒好得意，下面有隻生蛋，第一次咁樣食，但係原來將隻生蛋加入雞肉串係非常夾，仲會令雞肉串好滑。
-
鴛鴦翠玉瓜：一大一細嘅翠玉瓜，一個綠色一個黃色！再加埋上面嘅明太子醬，看著誘人，食落也是很多汁。
-
脆燒豆腐：味如其名，外脆內軟，中間嘅豆腐 豆味好出。
-
廣島蠔：新鮮肥美嘅廣島蠔，輕輕一燒已經好好食，唔需要太多嘅調味，鮮味已是出眾。
-
厚燒牛舌：我本身係唔食牛舌嘅，但係由於家姐食完之後極力推介，所以我都試咗一啖，而確實食落肚都真係唔錯，連我呢個唔食牛舌嘅人都覺得可以。
-
白鱔：必叫之選，超厚身嘅白鱔，外皮香脆，魚油豐腴，啖啖肉嘅feel ，骨亦唔多。
-
明太子醬燒飯團：第一次食燒飯團，感覺好得意有少少似食緊煲仔飯嘅感覺，燒完嘅飯糰🍙表面，會變得好脆，同煲仔飯有異曲同工之妙，幾得意同香口。
芒果烏龍熊茶：味道香香甜甜，淡淡茶味加芒果香互相交融，顏值絕對係令人怦然心動，係一杯齋睇已經令人壓力全消嘅治愈系飲品🍹，作為少女界嘅代表（唔好打我），個人係非常中意的
張貼
