影片
更多
2022-01-08
40 瀏覽
(預告:此食評含有大量哈欠🥱) 當你唔夠訓嘅時候，第二朝起身個陣就會打哈欠(x1)。返到學校嘅第一堂課(尤其係中史堂)就必定會打哈欠(x2)。返工但要開OT嘅你都會打哈欠(x3)，除此之外，去到呢間COFFEE SHOP，你都會打哈欠(x4)🤣 HaaHim係深水埗新開嘅coffee shop，位於青山道，喺美利樓-香港碩果僅存嘅徙置大廈對面，位置偏離深水埗嘅人流中心，街道渺無人煙，係令人打哈欠(x5)嘅原因🧐。 餐廳裝修呈現一種文青風格，店內枱櫈放得唔密，櫈全都用上沙灘槢疊椅，坐喺店外都唔洗驚太大聲。店內燈光淡啞，偏向灰色，而且又冇乜人，有少少慢活feel☘，係令人打哈欠(x5)嘅原因。 餐廳主打日本菜，有正過吉-家嘅牛肉飯🙌，咖喱烏冬，特色bagel，蟹餅，滿足到毛孩嘅需要，又滿足到生酮人士嘅低碳要求。menu上面又有個打哈欠(x6)嘅嘅人頭🤪，配合環境氣氛，係令人打哈欠(x7)嘅原因。 蝦哈哈牛油果蛋bagel$78 望就比想像中更巨型，食完的確非常之飽肚，唔再令人打哈欠(x8)，但其實呢個bagel嘅食材唔算太貴，性價比中上啦，而家新開嘅coffee shop都賣至少$70-8
當你唔夠訓嘅時候，第二朝起身個陣就會打哈欠(x1)。返到學校嘅第一堂課(尤其係中史堂)就必定會打哈欠(x2)。返工但要開OT嘅你都會打哈欠(x3)，除此之外，去到呢間COFFEE SHOP，你都會打哈欠(x4)🤣
HaaHim係深水埗新開嘅coffee shop，位於青山道，喺美利樓-香港碩果僅存嘅徙置大廈對面，位置偏離深水埗嘅人流中心，街道渺無人煙，係令人打哈欠(x5)嘅原因🧐。
餐廳裝修呈現一種文青風格，店內枱櫈放得唔密，櫈全都用上沙灘槢疊椅，坐喺店外都唔洗驚太大聲。店內燈光淡啞，偏向灰色，而且又冇乜人，有少少慢活feel☘，係令人打哈欠(x5)嘅原因。
餐廳主打日本菜，有正過吉-家嘅牛肉飯🙌，咖喱烏冬，特色bagel，蟹餅，滿足到毛孩嘅需要，又滿足到生酮人士嘅低碳要求。menu上面又有個打哈欠(x6)嘅嘅人頭🤪，配合環境氣氛，係令人打哈欠(x7)嘅原因。
蝦哈哈牛油果蛋bagel$78
蝦哈哈牛油果蛋bagel
$78
7 瀏覽
0 讚好
0 留言
望就比想像中更巨型，食完的確非常之飽肚，唔再令人打哈欠(x8)，但其實呢個bagel嘅食材唔算太貴，性價比中上啦，而家新開嘅coffee shop都賣至少$70-80🤑
Bagel就係平平無奇嘅plain bagel，仲以為係竹炭貝果，店員有提到bagel要盡快食🥰。煙韌程度就中下啦，鬆軟煙韌，我就幾鐘意呢個texture，但個皮就好難咬開，如果有烘過就好啦。
蝦就只係普通貨式，與炒蛋一同煎熟。份量就幾足，有6-7大粒，爽口彈牙，新鮮鮮甜，冇雪藏味，但調味不足🤔。
蝦哈哈牛油果蛋bagel
9 瀏覽
0 讚好
0 留言
炒蛋大約用咗3-4隻，見到面頭仲有蛋液，生熟程度理想，切開之後中間係有三層厚，嫩滑柔軟，但竟然太咸，同蝦仁相反🤪🤪，向好一面去諗可能係為咗平衡蝦仁嘅淡雅。
牛油果份量比全日早餐嘅更多，有大約3/4隻嘅量，質感軟滑，唔會生到咬唔開，但仲有D草青味。仲有樣野，我就覺得隻碟太細，切嘅時候都要就住唔好跌落街😑。
伯爵奶茶$48
伯爵奶茶
1 瀏覽
0 讚好
0 留言
奶茶黎講的確有少少貴，上面有一層厚泡沫，但其實係冇乜味，應該係全個飲品都冇味😒，我知道哩個飲品係生酮嘅，我以為會用啲代糖代替白糖，而且佢用咗無糖嘅杏仁奶，如果大家飲過都知無糖杏仁奶係谈到爆🥲，上面嘅奶蓋都係一樣，佢一D茶香都冇，如果生酮奶茶原本都係咁嘅，歡迎改正我👇。
張貼
