影片
更多
2019-09-09
571 瀏覽
Crazy Pie 名聲漸起，好多人買來做散水餅，口碑唔錯。早前於觀塘駱駝漆開設門市，客似雲來，成為周末relax嘅好去處。Crazy Pie 趁推出9月新款式前，黎個買二送一限時優惠。我當然唔會錯過呢個大好機會，滿足一下我個甜品胃啦！甜撻賣相華麗，各具特色，呃like一流1\海鹽焦糖流心咖啡幼滑香濃嘅流心咖啡混合海鹽，底部有少少焦糖，吊出甜味。咸甜滋味帶出多層次嘅味蕾享受，齒頰留香，非常誘人，好味到停唔到口！曲奇撻皮表面光滑，而且堅挺。味道香脆、唔甜膩、唔重牛油味，襯托出濃厚香醇嘅咖啡味(⁎⁍̴̛ᴗ⁍̴̛⁎)。2\黃豆粉黑糖麻糬面層裝飾嘅窩夫好吸睛，厚身兼脆口，甜而不膩。黃豆粉下有三層餡料：牛奶雪糕、黑糖啫喱、麻糬。放係室温下大半個鐘，牛奶雪糕依然冰凍，奶香十足、唔甜膩。黑糖啫喱同麻糬提升口感、豐富層次。P.S. 為了避免被黃豆粉嗆到，記住閉氣食喔XP3\阿華田麻糬頂層一舊阿華田慕斯，tart入面再分三層：阿華田醬、吉士、麻糬。朋友覺得阿華田味濃，而我覺得味道偏向朱古力味。吉士味道唔濃郁，唔怕搶咗主角阿華田嘅風頭。薄薄一層麻糬，無調味，口感非常煙韌，唔硬亦唔算非常軟。配搭其他餡料嘅一齊食，軟
Crazy Pie 趁推出9月新款式前，黎個買二送一限時優惠。我當然唔會錯過呢個大好機會，滿足一下我個甜品胃啦！
甜撻賣相華麗，各具特色，呃like一流
1\
海鹽焦糖流心咖啡
幼滑香濃嘅流心咖啡混合海鹽，底部有少少焦糖，吊出甜味。咸甜滋味帶出多層次嘅味蕾享受，齒頰留香，非常誘人，好味到停唔到口！
曲奇撻皮表面光滑，而且堅挺。味道香脆、唔甜膩、唔重牛油味，襯托出濃厚香醇嘅咖啡味(⁎⁍̴̛ᴗ⁍̴̛⁎)。
海鹽焦糖流心咖啡
$28
29 瀏覽
1 讚好
0 留言
2\
黃豆粉黑糖麻糬
面層裝飾嘅窩夫好吸睛，厚身兼脆口，甜而不膩。
黃豆粉下有三層餡料：牛奶雪糕、黑糖啫喱、麻糬。放係室温下大半個鐘，牛奶雪糕依然冰凍，奶香十足、唔甜膩。黑糖啫喱同麻糬提升口感、豐富層次。
P.S. 為了避免被黃豆粉嗆到，記住閉氣食喔XP
黃豆粉黑糖麻糬
$31
39 瀏覽
0 讚好
0 留言
3\
阿華田麻糬
頂層一舊阿華田慕斯，tart入面再分三層：阿華田醬、吉士、麻糬。
朋友覺得阿華田味濃，而我覺得味道偏向朱古力味。吉士味道唔濃郁，唔怕搶咗主角阿華田嘅風頭。薄薄一層麻糬，無調味，口感非常煙韌，唔硬亦唔算非常軟。配搭其他餡料嘅一齊食，軟綿柔滑口感混合軟糯口感，豐富味覺享受。
阿華田麻糬
$28
22 瀏覽
0 讚好
0 留言
4\
Oreo薄荷朱古力
雖然款式唔創新，但勝在薄荷味清新，即使突出，亦唔會搶走香濃厚滑嘅朱古力可可味。
Oreo薄荷朱古力
$31
39 瀏覽
1 讚好
0 留言
整體而言，Crazy Pie 甜撻味道甜而不膩，偏向走健康路線，有種住家甜點嘅感覺，適合一眾怕肥嘅為食貓。
甜撻款式定期改動，推陳出新。大家可以係instagram 得知最新消息及快閃優惠。
張貼
