品川日本料理 (已結業)

今次去左荃灣一間品川日式料理餐廳。首先要強烈推薦大家早啲到，夏季最好係六點幾左右。因為正好對住日落既美景。金光閃閃，淡黃既煙霞連接住海天一色既美景。好多高級餐廳都睇唔到既美景，呢度一餐放題既價錢已值回票價啦！未食已經影左好多令相！到正題食物方面，電子點餐幾先進，基本上無漏單，抵讚！食物多元化。先係刺身夠新鮮，三文魚夠肥美，食落啖啖油脂香散發係口腔。泰式虎蝦爽口，配有甜酸醬開胃。帶子象拔蚌等有彈牙口感。水平算上乘。到壽司類，都幾精緻。紫菜脆身，係即點既包，唔會為量產化而犧牲品質。首推火焰系列，淡淡既吞拿魚香伴微燒的油脂，入口即溶令到一試難念。串燒類幾好，例如下到烤雞軟骨，上到燒蝦燒波蘿，都無失手。未見到有淡而無味，或濃淍肉老既失手串燒。反而每串都食得津津有味。比目魚都味道合適，控制時間好最後要讚一下飲料多元化，有汽水果汁茶清酒等等，至少十多項選擇。仲有甜品，熱盤等總合說，性價係幾高。