金泰子泰國餐廳 (已結業)

今日lunch去左銅鑼灣食泰國菜，唔洗等位就有得入，見呢間餐廳都幾多人食應該唔錯。炸蝦餅好正，啱啱炸起，所以好夠脆同熱辣辣，口感亦唔錯，而泰式雞醬好重要，好似甜酸醬咁。至於個軟殼蟹亦值得一試，配上蒜片嘅香味，味道好夠濃，而且口感方面亦唔會太硬，好香嘅蒜香味之餘亦食到蟹本身嘅鮮味。至於最正嘅就一定係呢個泰式豬頸肉，一定要點個醬汁，味道相當夾。口感方面亦好夠爽口。咬落去會有彈牙嘅感覺，而且豬頸肉本身亦好肥美，好有香味。