古今

營業中

休息中

之前去過觀塘嘅古今二，今次就去銅鑼灣分店食lunch。發覺銅鑼灣分店嘅環境更高級，座位舒適。我哋兩個人點咗佢哋最出名嘅卷物，今次試咗青龍卷（$98）。卷上面係青色嘅牛油果 ，卷物包住鰻魚同埋蟹柳絲，點上少少豉油食，會感覺有點似食三文魚，好有趣。呢度菜式既清新又飽肚👍👍今日天氣凍凍地，最啱食個安格斯牛肉壽喜燒 （$228）份量幾多，有肥美嘅安格斯牛肉，金菇，紹菜，豆腐，仲有啲日本粉絲。湯底嘅壽喜燒甜甜地，配上新鮮嘅食材，令食材吸收曬香甜嘅味道。