一寿司料理 (已結業)

一班朋友聚會，個個都大食，咁食乜好？放題就幾時都係我們既選擇。聽聞一壽司做放題，所以決定試一試。聽到個名，都對呢個放題，有點信心。去到銅鑼灣，朋友已經到左，刺身已經上台，很吸引刺身新鮮不俗，甜蝦唔係一般的細細隻，而是大蝦，更加吸引，我們於是狂點，估唔到既係，狂點後來蝦率又唔錯，唔會七除八扣得幾隻，已經加分。選擇上雖然不多，但食物上有一些新意，三款蒸蛋都好好味，仲有個煎蛋，又香又滑，簡直想食多幾件。壽司細細件，完全不會阻你試多些其他野。拉麵亦都不錯，但略嫌湯底唔夠濃。由食物上睇得出用料靚，份量唔多，反而可以試多幾款和幾次，飲品在外面要自己去拿，選擇都夠，最正係有乳酪和雪糕住食，外面食一杯乳酪都三四十，食返兩至三杯已經令人感覺超值。雖然可惜既係，人手好似唔多夠，好耐都有人來執走食完既碟，少人手上菜都慢一些。而且我地七個人安排坐六人位，坐得唔太舒服。但食物質數足夠令我們再回來，加油，繼續做好放題！