校長燒肉日韓料理 (已搬遷) 新店位置

呢排打邊爐打到厭，朋友話天氣凍凍地，不如去食下韓燒，於是黎左朋友工作附近既呢間校長燒肉試下。呢度既肉類款式都幾多，我至愛既雞翼都有三款口味。D肉類都算厚身，顏色夠鮮紅，感覺幾新鮮，有肥有瘦自己夾。好欣賞呢度加7蚊可以任換燒烤紙，感覺乾淨衛生。除左燒肉，仲有好幾款熟食。芝士青口超好食，個汁似係千島醬汁加芝士，令到個口感又豐富左。無骨雞翼實在太好味，有小小蟹籽係入面，似明太子雞翼，我食左好多隻。有紙包同罐裝飲品任飲。甜品都幾款好精緻既啫喱布丁，仲有韓國雪條，大滿足。