高麗軒韓國餐廳

營業中

休息中

人大咗，總會掛住以前，今日就去咗一間比較舊式嘅韓燒餐廳，以前細個同三五知己錢唔多，每人百零二百蚊喺呢度食任食，最記得佢嘅蝦同埋牛仔骨係最好味。今日就黎呢度食個晏去懷念一下，因為食唔到太多嘢，所以冇叫任食，所以叫兩個set lunch就算啦，叫咗一個牛肉一個雞肉燒烤餐：每個餐都會有湯有飯有杯嘢飲，當然仲會跟啲前菜啦：開咗爐，就邊食前菜，邊燒肉啦燒好之後，點個醬汁食，嘩，完全係以前中學嘅味道，嗰啲味道一啲都無變過，牛肉同雞肉醃製嘅味，竟然可以保持20年都冇變過，好犀利呀！