孖啡 (已結業)

去左孖啡飲杯花茶，食個飯，同朋友吹左三個鐘水都未傾完。熱藍莓花茶，加左黑加侖子，入口有小小水果微酸，完全冇糖，好岩飲。飲哂仲可以免費加水。凍玫瑰冰茶，淡淡粉紅色，加上清香花味，醒神又解渴，咁熱天氣飲岩哂。軟殼蟹忌廉黑松露意粉，上枱熱辣辣，份量都幾多，忌廉濃厚，但記住趁熱食，凍左就有啲膩。龍蝦汁海鮮意粉，有多款海鮮，龍蝦湯汁味濃，略嫌比較濃味，但非常足料。餐廳位置闊落，卡位最岩比一大班人一齊玩，仲有board game 提供，今次人小就吹水，多人一定玩下！P.s. 記得牆上面有得ring the bell, 搵人唔駛係咁舉手