天海 (已結業)

上年去東京遊行，試過當地小店嘅天丼後一直都念念不忘，搜羅過香港的餐廳後，就搵到呢間係上環嘅天海 天婦羅餐廳，打去book枱嘅時候，得知餐廳假日午市不設訂枱，因為餐廳只有十席，喜歡吃的話早點去亦無不可〜 倆老平日較喜歡飲茶吃點心，因為天丼太吸引了，所以都被打動了陪我吃！11:25分就到門口，我已經急不及待，也有兩位食客在等待，等到11:30就可以入去喇！坐位是L形吧枱面向廚師，可以欣賞他烹調時的專注，亦可讓天婦羅炸好後即時送到客人面前，我二話不說已經揀好食邊個set啦！大致分為兩類天婦羅御膳，天婦羅會逐一逐一送，有兄、弟，用來分別食材，天丼分為姐、妹，姐就會多帆立貝及穴子，價錢$250-180。可以追加天婦羅生蠔、椎茸等，特別在廚師的笑容好貴的 天丼 姉 $250食材實在太吸引啦，所以點個豐富啲嘅〜 有前菜、穴子、蝦、帆立貝、天海雞蛋、白身魚、蔬菜包括蓮藕、南瓜、茄子同秋葵，食材炸好夾起後，廚師即時用手反一反，睇睇成果，油溫咁高都唔怕熱，真係敬業樂業！除即加上濃郁醬汁係天婦羅上面，亦不會影響脆炸的口感，用嘅碗較闊，天婦羅都可以佈滿係上面，飯粒口感十足，仲可以任加〜 另外有麵豉湯同涼伴前菜