Spade by Lassana (已結業)

好多人都鍾意食甜品, 我都唔例外, 一有時間就會四圍去食甜品,而甜品之中, 我就特別喜歡芝士蛋糕, 因為cheesecake除了令人食完開心之外,仲有一份食完好滿足的感覺。曾經夢想過要食遍全港九新界既cheesecake, 今次就買來朋友誠意推介的這款cheesecake。今次食的就是這款焦糖芝士蛋糕, 佢真係令人一見鍾情, 即刻就買回家開餐,雖然仲未食正餐, 不過都唔理得咁多, 食左先算。見到這裡用來裝外賣的木盒, 已經見到這間店對甜品的一份尊重,令我未食之先, 就感覺到這個cheesecake的高貴, 令人十分期待。cheesecake配合焦糖的味道, 確實恰到好處, 味道唔會太單調,而這個cheesecake味道唔算太重cheese味,可以說是剛剛好,加上脆脆的焦糖,就算我一個人食整個cake都唔會覺得太full, 想食完再食都得。