影片
更多
2019-01-31
100 瀏覽
八月嘅生日飯竟然過咗半年先食，我哋兩個嘅交情就係咁得意，朋友對個八字特別敏感，荃灣嘅呢間 Famous August 就係佢指明要帶我去食㗎!食物水準果然唔錯，室內裝潢好有玩味，一邊係好美國漫畫嘅感覺，而另一邊就好公主feel。門口放咗Menu，我第一眼就決定食二人套餐，價錢大眾化而且食物款式好多選擇。$638 二人套餐，我覺得係豪華版，有平啲嘅但係生日飯我就想食得好啲。裏邊有齊晒我想食嘅嘢，好鍾意 salad buffet for you ，全部沙律冷盤都好有特色，作為開胃菜就一流啦！食完沙律啱啱好餐湯就到，蟹肉野菌濃湯 味道夠晒濃郁，質地 creamy，一絲絲嘅蟹肉好實在。小食我哋揀咗單骨雞翼配埋黑松露芝士薯條，單骨雞翼一啲都唔普通，好有 buffalo wings 嘅感覺，仲要係好味道嗰隻，皮脆得好口，肉嫩多汁。我哋兩個都係薯條怪，黑松露 香味撲鼻，芝士薯條夠晒 heavy 我哋鍾意。加拿大黑毛豬斧頭扒 本來已經夠晒吸引，豬肉我都係鍾意食日本或者外國嘅，唔係講笑肉質真係特別香滑同埋有肉味，咁好味嘅黑毛豬仲要陪埋煎日本元貝，真係好食到停唔到口。美國M6西冷牛扒係我對面呢位牛魔王嘅
食物水準果然唔錯，室內裝潢好有玩味，一邊係好美國漫畫嘅感覺，而另一邊就好公主feel。
門口放咗Menu，我第一眼就決定食二人套餐，價錢大眾化而且食物款式好多選擇。
$638 二人套餐，我覺得係豪華版，有平啲嘅但係生日飯我就想食得好啲。裏邊有齊晒我想食嘅嘢，好鍾意 salad buffet for you ，全部沙律冷盤都好有特色，作為開胃菜就一流啦！
食完沙律啱啱好餐湯就到，蟹肉野菌濃湯 味道夠晒濃郁，質地 creamy，一絲絲嘅蟹肉好實在。
小食我哋揀咗單骨雞翼配埋黑松露芝士薯條，單骨雞翼一啲都唔普通，好有 buffalo wings 嘅感覺，仲要係好味道嗰隻，皮脆得好口，肉嫩多汁。
我哋兩個都係薯條怪，黑松露 香味撲鼻，芝士薯條夠晒 heavy 我哋鍾意。
加拿大黑毛豬斧頭扒 本來已經夠晒吸引，豬肉我都係鍾意食日本或者外國嘅，唔係講笑肉質真係特別香滑同埋有肉味，咁好味嘅黑毛豬仲要陪埋煎日本元貝，真係好食到停唔到口。
美國M6西冷牛扒係我對面呢位牛魔王嘅最愛，medium 係遷就我嘅，一般佢會食 rare ，牛扒入口鬆軟，肥瘦均勻，如果飲埋紅酒就更加係無敵啦！
最後飲埋個自家製凍奶茶，嘻嘻哈哈就傾左一晚，下次見面可能又要到2046啦！整體食物質素好，服務又貼心，值得再來幫襯！
張貼
