MOZY Cafe & Bar

營業中

休息中

同閨密食飯，坐得舒服，環境好，可以慢慢傾偈，永遠都係我最重視嘅，當然如果食物水準高，就當係bonus。響銅鑼灣搵食，成日都限時限候，難得搵到一間可以book到自己心水嘅時間，我哋就決定去試吓，初頭以為係一間打卡Cafe，應該都係咖啡甜品出色，但見到裏面嘅主食，係好特別嘅日式西餐混合配，而我哋就決定揀一個主菜，想食多幾個小食，一入到去店員已經好有禮貌，安排咗我哋坐低之後，就好細心解釋餐牌，過程裏面每一款食物都好有驚喜，無論擺盤同埋味道，都同想像嘅好唔同，最窩心嘅係，店員會好留心我地有咩需要，親切咁問我哋覺得食物如何，再同我哋介紹好多菜式嘅特色，令到我聽完就已經好想再食，我覺得每樣食物都有驚喜，尤其是明太子米紙卷，完全係好食到嘩嘩聲，我每一碟食物都食得乾乾淨淨，呢一餐都未食完，我同閨蜜已經決定要盡快嚟食多一次。真心，響銅鑼灣呢個鬧市，可以搵到呢一間出色嘅Cafe，心情就好似去咗兩個鐘日本或者台灣旅行咁舒服。