前菜有沖繩水雲配北海道蟹肉同煮螺，蟹肉鮮甜，配上酸酸甜甜嘅水雲，為呢個味蕾旅程打開序幕🤩
開始食刺身，首先有愛女魚刺身，加上梅昆布漬，帶出魚肉嘅鮮味。
青柑桔啫喱配仙鳳趾生蠔，好creamy，啫喱酸甜好平衡！
磯煮鮑魚旁邊有鮑魚肝醬，味道濃郁，鮑魚彈牙😋鱒魚配明太子昆布醬🐟
北海道牡丹蝦：賣相已好打卡，牡丹蝦鮮甜到飛起！
仲有自家製鮟鱇魚肝同中拖羅、大拖羅，拖羅無筋，油脂香濃🤤
熱食有燒吞拿魚魚鮫：上菜時店員會倒檸檬汁，同碟邊紫椰菜汁混合就變食，顏色變幻好靚😍
🍣 壽司有帆立貝 、深海池魚 、金目鯛 、黑鯥 🍣
最正係北海道馬糞海膽呑拿魚蓉三文魚籽丼🥹鐵三角組合，啖啖鮮味啖啖滿足🥹
最後仲有魚湯同巨鋒提子，食到好飽🤣
要多謝friend 請我食呢餐，仲要多謝師傅，成餐都好食！
