La Postre (荃灣廣場) (已結業)

見到餐廳價錢屬中價，裝修唔錯，覺得應該唔會差得去邊咪試下，點知大失所望，完全同嗰啲正評描述既係兩回事。首先啲凳坐落好硬，仲要喺走廊都塞一排位落去，啲侍應喺隔離行來行去感覺好似去咗茶餐廳。人手又少，得2~3個人招呼，最慘係啲嘢等好耐先嚟，嚟到已經變凍。餐廳本身價錢唔平，但嘢食同個價有啲差別。意粉食落同自己煮分別唔大，不過青口竟然有硬物，似係沙，差啲咬到牙都崩，處理食材既情況實在令人擔心，唔夠細心。至於餐飲亦都好細杯，好快飲完，亦唔係特別好飲，啲嘢食完全對唔住個價，絕對冇下次。