Cafe 1950歐陸餐廳 (已結業)

之前睇到cafe得裝潢已經心郁郁想去，加上睇到食評大家都對餐廳都唔錯評價，於是一於同朋友去食。剛到時因為閒日，所以可能唔洗等位，餐廳整體格局裝修都唔錯，感覺好舒服，同埋餐枱上都有放到水同水杯，但諗住用時就發現水杯唔算好乾淨，有啲油蹟。同朋友諗完決定叫黑松露卡邦尼意粉，蛋包飯，荔枝蟹棒沙律同軟殼蟹芒果卷，飲品就要左蜜瓜精靈同錫蘭紅茶。落單後過左陣送左餐湯尼，但都唔知係咩湯，因為個男仔就咁放落枱就走，個湯連暖都講唔上，同好杰身。之後就尼左個飯，另一個男侍應又係大力放低個飯就走左去。朋友話好乾身，個蛋有啲老，我自己就無試。後尾意粉終於尼左，意粉煮得過左，有啲發脹同淋，食落去個味又剩係覺得鹹鹹地，只可以話一般，點知食多少少，個底都係油我地食左大半時，個芒果卷同沙律都到左，芒果卷味道可以，但軟殼蟹好淋，但以28蚊尼講可以接受。個沙律太遲上，變左最後食，味道ok，不過嫌蟹棒有雪味。另外飲品個到朋友點既係密瓜精靈，佢話味道似藥水，試飲左啖就無再飲。餐廳既侍應要改進，幾位唔同侍應上菜都係就咁放低就走，唔同客人講係咩食物，特別有位男同事需改進。